ᖃᕆᑕᐅᔭᑎᒍᑦ ᐱᔭᐅᓯᒪᓕᕈᖕᓇᖅᑑᓪᓗᑎᒃ ᐃᖅᑲᓇᐃᔭᕐᕕᖕᒥ ᐱᑕᖃᕆᐊᓖᑦ ᑲᓇᑕᒥ ᐃᖅᑲᓇᐃᔭᕐᕕᓕᕆᓂᕐᒥ ᒪᓕᒃᑕᐅᔭᕆᐊᓕᖁᑎᓄᑦ ᐱᓕᒻᒪᒃᓴᐃᔾᔪᑎᒃᓴᐃᑦ ᐃᓚᖃᖅᐳᑦ ᐃᖅᑲᓇᐃᔮᕆᓕᕐᓂᐊᕐᓗᒍ ᐃᓕᓐᓂᐊᕈᑎᖃᓕᕈᖕᓇᕐᓂᕐᒧᑦ ᐊᔪᖖᒋᓐᓂᖃᓕᕆᐊᕈᑎᒃᓴᓂᒃ ᑐᕌᖓᑎᑕᐅᓯᒪᓪᓗᑎᒃ ᐳᓚᕋᖅᑐᓕᕆᓂᕐᒧᑦ ᓴᓇᕝᕕᐅᔪᓄᑦ. ᐃᓗᓕᕆᔭᖏᓂ ᐱᑕᖃᓗᐊᕐᓂᖅᓴᐅᕗᑦ ᒪᓕᒃᑕᐅᔭᕆᐊᓕᖁᑎᓂ ᐱᔾᔪᑎᖃᕐᖢᑎᒃ ᓇᓗᓇᐃᔭᖅᑕᐅᓯᒪᑦᑎᐊᖅᑐᓂᒃ, ᐊᓯᖏᓄᑦ ᐊᑐᓕᖅᑎᑕᐅᔪᖕᓇᕐᖢᑎᒃ ᐊᔪᖖᒋᓐᓂᕆᔭᐅᔭᕆᐊᓕᖕᓄᑦ ᐱᔭᐅᓯᒪᔭᕆᐊᖃᖅᑐᓄᑦ ᐃᑎᕈᖕᓇᓕᒃᓗᓯᑦ ᐃᖅᑲᓇᐃᔭᖅᑎᐅᔪᑦ ᓇᓂᑐᐃᓐᓇᖅ ᓴᓇᕝᕕᐅᔪᓄᑦ ᐃᓚᐅᓕᕆᐊᕐᓂᐊᕐᓗᑎᒃ. ᐱᔭᕇᖅᓯᓯᒪᓕᕐᓂᖅ ᑕᒪᒃᑯᓂᐊ ᐊᔪᖖᒋᓐᓂᕆᔭᐅᔪᓂᒃ ᑭᒃᑯᑐᐃᓐᓇᓄᑦ ᐃᖏᕐᕋᑦᑎᐊᓕᕈᑕᐅᕙᖕᒪᑕ ᐱᓕᕆᐊᒥᖕᓂ ᐱᓕᕆᔨᐅᓪᓗᑎᒃ, ᐃᓕᓐᓂᐊᖅᑑᓪᓗᑎᒃ, ᐊᒻᒪᓗ ᓯᓚᕐᔪᐊᓕᒫᒥ ᓄᓇᖃᖅᑑᖃᑕᐅᓪᓗᑎᒃ. 2012-ᒥ ᐋᖅᑭᒃᓱᐊᕆᔭᐅᓚᐅᕐᖢᑎᒃ. ᕿᓂᕐᓗᓯ ᐱᓕᒻᒪᒃᓴᐃᔾᔪᑎᒃᓴᓂᒃ ᐊᒻᒪᓗ ᖃᐅᔨᒋᐊᕈᑎᒃᓴᓂᒃ ᑐᕌᖓᑎᓪᓗᒋᑦ ᑖᒃᑯᓄᖓ ᒪᓕᒃᑕᐅᔭᕆᐊᓕᖁᑎᓄᑦ ᑕᐃᔭᐅᓂᖏᓂ ᐃᖅᑲᓇᐃᔭᕐᕕᖕᒥ ᐱᑕᖃᕆᐊᓖᑦ.