ᖃᕆᑕᐅᔭᑎᒍᑦ ᐱᑐᒃᓯᒪᕝᕕᖕᒥ ᐱᔭᐅᓯᒪᓕᕈᖕᓇᖅᑐᑦ ᑖᒃᑯᐊ ᑲᓇᑕᒥ ᐃᖅᑲᓇᐃᔮᕆᔭᓄᑦ ᒪᓕᒃᑕᐅᒋᐊᓕᖁᑎᓄᑦ ᑎᑎᕋᖅᑕᐅᓯᒪᔪᑦ ᐱᔾᔪᑎᖃᖅᐳᑦ ᖃᐅᔨᒪᓂᕆᔭᐅᒋᐊᓕᖕᓂᒃ, ᐊᔪᖖᒋᓐᓂᕆᔭᐅᒋᐊᓕᖕᓂᒃ ᐊᒻᒪᓗ ᐃᓕᖅᑯᓯᕆᔭᐅᒋᐊᓕᖕᓂᒃ ᐃᓱᒪᒃᓴᖅᓯᐅᕈᑎᐅᔪᓐᓇᕐᓂᐊᕈᑎᒃ ᓂᕿᓂᒃ ᓂᐅᖅᑐᒐᒃᓴᓂᒃᓗ ᐱᔨᑦᕋᖅᑎᐅᔪᓐᓇᕐᓂᖏᓄᑦ. ᑕᒪᒃᑯᐊ ᒪᓕᒃᑕᐅᒋᐊᓕᖁᑏᑦ ᐊᑐᕐᓂᖃᒻᒪᕆᒃᑐᓂᒃ ᑐᓴᒐᒃᓴᖁᑎᓂᒃ ᐃᓗᓕᖃᕐᒪᑕ ᐃᑲᔪᕈᑎᐅᔪᓐᓇᖅᑐᓂᒃ ᓂᕿᓂᒃ ᓂᐅᖅᑐᒐᒃᓴᓂᒃᓗ ᐱᔨᑦᑎᕋᖅᑎᐅᔪᓄᑦ ᐱᐅᑦᑎᐊᖅᑐᑎᒍᑦ ᓯᕗᒻᒧᒋᐊᖅᓯᒪᓪᓗᑎᒃᓗ ᑐᖖᒐᓱᒃᑎᑦᑎᔨᐅᓪᓗᑎᒃ ᐃᖅᑲᓇᐃᔮᖃᕐᓂᖏᓐᓄᑦ. ᑖᒃᑯᐊ ᒪᓕᒃᑕᐅᒋᐊᓕᖁᑏᑦ ᑐᖖᒐᕝᕕᒋᔭᐅᖕᒪᑕ ᑕᒪᐃᓄᑦ ᓂᕿᓂᒃ ᓂᐅᖅᑐᒐᒃᓴᓂᒃᓗ ᐱᔨᑦᑎᕋᖅᑎᑦ ᐱᓕᒻᒪᒃᓴᔭᐅᔾᔪᑎᒃᓴᐅᓪᓗᑎᒃ ᐋᖅᑭᒃᑕᐅᓯᒪᔪᓄᑦ ᐊᒻᒪᓗ ᒫᓐᓇᐅᔪᒥ ᐃᓕᓐᓂᐊᕌᓂᒍᑎᑖᖅᑎᑦᑎᕙᒃᑐᑎᒃ ᐱᓕᕆᐊᖑᔪᒧᑦ.